Yn 2010 roedd Swyddfa Ewropeaidd WLGA yn lobïo'n galed dros parhad Cyllid Cystadleurwydd yr UE i Dwyrain Cymru wedi 2013. Mae'r Amcan Cystadleurwydd yn hywyddo arloesedd ac entrepreneuriaeth yn rhanbarthau'r UE nad sydd yn gymwys ar gyfer cyllid Cydgyfeirio (Amcan 1 yn flaenorol). Wedi ei ariannu trwy’r Gronfa Datblygu Rhanbarthol Ewropeaidd (ERDF) a’r Gronfa Gymdeithasol Ewropeaidd (ESF), mae’r Amcan Cystadleurwydd (Amcan 2 yn flaenorol) yn cefnogi 172 rhanbarth mewn 19 o Aelodau’r UE, gan gynnwys Dwyrain Cymru. Gyda cyllid cyfatebol o’r sectorau preifat, cyhoeddus a gwirfoddol, mae cyllid Cystadleurwydd werth tua £280 miliwn i Ddwyrain Cymru ac yn bwysig iawn i greu swyddi, datblygiad economaidd ac adfywio.
Trwy gydol 2010 chwaraeodd Swyddfa Ewropeaidd WLGA rhan bwysig yn Menter Lobïo Rhanbarthau Cystadleurwydd, a arweinir gan Swyddfa Ranbarthol Awstria Isaf. Sefydlodd ac arweiniodd Katie Cavell, Cyn Rheolwr Materion Ewropeaidd WLGA, Grŵp Lobïo Rhanbarthau Cystadleurwydd y D.U. Derbyniodd grŵp lobïo Ewrop gyfan cefnogaeth 83% o’r rhanbarthau yr effeithiwyd arnynt (143 rhanbarthau), gan gynrychioli 87% o’r boblogaeth yn y rhanbarthau hyn a 58% o holl boblogaeth yr UE, ar gyfer parhad cyllid Cystadleurwydd.
Ar 7 Hydref 2010 cymerodd WLGA ran mewn cynhadledd lefel uchel a 'Gorymdaith y Rhanbarthau' ym Mrwsel gyda cynrychiolwyr lleol a rhanbarthol ar draws Ewrop i lobïo ar gyfer parhad Cyllid Cystadleurwydd yr UE wedi 2013. Cynrychiolodd y Cyng. Wynne Jones (Cyngor Sir Powys) Dwyrain Cymru yn y gynhadledd, ble cafodd datganiadau wleidyddol wedi’u arwyddo gan gynrychiolwyr o ranbarthau Cystadleurwydd i gefnogi parhad cyllid Cystadleurwydd wedi 2013 eu cyflwyno i hoelion wyth allweddol yr UE o fewn prif sefydliadau’r UE, gan gynnwys Llywydd y Comisiwn Ewropeaidd, Jose Manuel Barroso, Comisiynydd yr UE ar gyfer Polisi Rhanbarthol, Johannes Hahn, Cadeirydd Pwyllgor Datblygiad Rhanbarthol Senedd Ewrop, Danuta Hübner, a Llywydd Pwyllgor y Rhanbarthau (PyRh), Mercedes Bresso. Roedd yr orymdaith yn cynnwys tua 40 o faneri rhanbarthol a bu sawl cynrychiolydd rhanbarthol a gwleidyddion eraill yn cymryd rhan. Denodd yr orymdaith gryn dipyn o ddiddordeb o’r wasg, gyda ryw 50 o newyddiadurwyr a timau’r wasg o bob cwr o Ewrop yn dilyn y digwyddiad.
Mae rhagor o wybodaeth ar y fenter lobïo a rôl y Cyng. Jones fel cynrychiolydd Dwyrain Cymru yn y datganiad i'r wasg WLGA, rhan y D.U. o wefan PyRh a'r erthygl Western Mail canlynol. Mae lluniau o'r Gynhadledd a 'Gorymdaith y Rhanbarthau' i'w weld isod:
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
Mae rhagor o wybodaeth gan: Iwan Williams