Mae ymddygiad gwrthgymdeithasol yn ymwneud ag amryw weithgareddau a allai amharu ar fywydau unigolion a chymunedau. Yn ogystal ag aflonyddu ar bobl, gall ymddygiad o'r fath rwystro ardaloedd rhag cael eu hadfywio a chreu amgylchiadau lle gallai troseddau mwy difrifol ddigwydd. Dyma enghreifftiau o ymddygiad gwrthgymdeithasol:
- cadw sŵn ac achosi niwsans;
- pobl ifainc yn ymgasglu'n fygythiol mewn mannau cyhoeddus;
- difrodi, murysgrifen a gosod posteri heb ganiatâd;
- gwerthu a phrynu cyffuriau yn y stryd;
- gadael sbwriel a cherbydau heb ganiatâd;
- yfed gwrthgymdeithasol;
- camddefnyddio tân gwyllt.
Mae awdurdodau lleol a phartneriaethau dros ddiogelwch yn y gymuned ledled Cymru yn gwneud llawer i fynd i'r afael ag ymddygiad o'r fath yn eu cymunedau. Mae gan bob partneriaeth gydlynydd dros faterion ymddygiad gwrthgymdeithasol sy'n gyfrifol am gydlynu ymateb i bob achos hysbys o'r cyfryw ymddygiad. Mae'r partneriaethau'n cael ymateb mewn amryw ffyrdd, gan gynnwys:
- llythyrau a chyfweliadau rhybuddio, contractau a chytundebau;
- dirwyon penodol am greu anhrefn;
- gorchmynion i rieni, gorchmynion cymorth unigol, rhybuddion atal sŵn, pwerau gwasgaru a gorchmynion ymddygiad gwrthgymdeithasol;
- gorchmynion cau tai lle mae cyffuriau;
- mynd i'r gyfraith i orfodi tenant i adael tŷ.
Mae rhagor o wybodaeth gan: Seth Newman