Mae WLGA yn cydweithio’n agos â chyrff eraill megis Partneriaeth Ymfudo Strategol Cymru, Llywodraeth y Cynulliad a Chymdeithas Llywodraeth Leol Lloegr i ddylanwadu ar bolisïau ynghylch cynnig gwasanaethau yng Nghymru i ffoaduriaid, gweithwyr ymfudol a’r rhai sy’n gofyn am loches. Mae WLGA yn aelod o Fforwm Llywodraeth y DG dros Effeithiau Ymfudo (MIF) ac iddo gynrychiolwyr meysydd llywodraeth leol, iechyd, addysg, yr heddlu a chyfiawnder troseddol, mudiadau gwirfoddol, y CBI a’r TUC sy’n cwrdd â gweinidogion bob tri mis i drafod effeithiau cymdeithasol ehangach ymfudwyr a’r modd mae ymfudwyr yn effeithio ar wasanaethau cyhoeddus a chymunedau lleol. Hazel Blears (Ysgrifennydd Gwladol dros Gymunedau a Llywodraeth Leol), Liam Byrne (Gweinidog dros Ffiniau a Mewnfudo) a Pamjit Dhanda (Gweinidog dros Gydlyniad, Cymunedau a Llywodraeth Leol) sy’n llywio’r fforwm ar y cyd. Mae rhagor o wybodaeth am y cyfarfodydd ar y wefan hon, ynghyd â’r papurau a rhestri’r agenda.
Dyma rai o ymatebion WLGA i brosesau ymgynghori pwysig Llywodraeth y Cynulliad a Llywodraeth y DG am faterion sy’n effeithio ar ffoaduriaid, gweithwyr ymfudol a’r rhai sy’n gofyn am loches.