Cafodd Bwrdd Partneriaeth Ranbarthol y Canolbarth ei sefydlu yn 2006 gan ychwanegu at ei aelodau y tu hwnt i'r canolbarth trwy gynnwys naw awdurdod lleol mawr cefn gwlad Cymru. Ddiwedd mis Tachwedd 2007, fe roes Cyngor WLGA sêl ei fendith ar drefn newydd fyddai'n cyfnerthu gwaith lobïo'r Bwrdd ynglŷn â materion gwledig trwy Fforwm Gwledig WLGA
Mae Bwrdd Partneriaeth Ranbarthol y Canolbarth ac iddo arweinyddion a phrif weithredwyr Cyngor Sir Ceredigion a Chyngor Sir Powys yn parhau i oruchwylio a sbarduno cydweithio yn y rhanbarth. Ar ben hynny, mae amryw raglenni dan ofal y cynghorwyr sy'n gyfrifol am y maes dan sylw – megis Bwrdd Cydweithio Isadeiledd y Canolbarth, Bwrdd Partneriaeth Gwastraff y Canolbarth a Bwrdd Cynllunio'r Canolbarth. Mae'r rhaglenni'n atebol i'r Bwrdd. Bydd y cynghorwyr dros iechyd a gofal cymdeithasol yn cwrdd i oruchwylio trefn newydd ar gyfer gofal cymdeithasol yn y rhanbarth, hefyd. Gan fod gyda nhw rhwydd hynt i ddewis eu partneriaid, mae Cyngor Sir Ceredigion a Chyngor Sir Powys yn ymwneud â phrosiectau sy'n atebol i rai o fyrddau rhanbarthol eraill WLGA. Fe gwrddodd Bwrdd y Canolbarth â Fforwm Partneriaeth Ranbarthol y De-orllewin yn ddiweddar i drafod trefniadau cydweithio fydd yn ymestyn ar draws y ddau ranbarth. Mae'r cyflwyniad PowerPoint hwn yn dangos pa mor helaeth a chymhleth yw'r trefniadau hynny.
Bydd Cydbwyllgor Ymgynghorol y Canolbarth, sydd newydd gael ei sefydlu, yn cyflawni rôl hanfodol yn y cydweithio rhanbarthol hefyd, gan gwrdd o leiaf ddwywaith y flwyddyn.
Mae agenda, cofnodion a phapurau pob un o gyfarfodydd Bwrdd Partneriaeth Ranbarthol y Canolbarth ar gael trwy'r linciau ar y tu chwith. Mae'r rhai ar gyfer cyfarfodydd cyn mis Medi 2009 wedi'u rhoi mewn archif er eu bod ar gael o hyd i'r sawl sy'n gofyn amdanyn nhw. Dim ond trwy wahoddiad mae modd mynd i gyfarfodydd y Bwrdd a fydd yn cwrdd eleni yn ôl yr amserlen isod:
- 23ain Ionawr 2012 – cyfarfod â Gwenda Thomas AC, Dirprwy Weinidog Llywodraeth Cymru dros Blant a Gwasanaethau Cymdeithasol
- 3ydd Chwefror 2012: cyfarfod â Fforwm Partneriaeth Ranbarthol y De-orllewin
- 5ed Mawrth 2012
- 25ain Mehefin 2012: cyfarfod â Fforwm Partneriaeth Ranbarthol y De-orllewin
- Medi – heb ei gadarnhau eto
- Rhagfyr – heb ei gadarnhau eto
Mae rhagor o wybodaeth gan: Susan Perkins