Mae tai fforddiadwy o safon wedi’u lleoli mewn cymunedau cynaladwy’n cael eu cydnabod yn gynyddol fel sylfaen i lwyddiant amrediad eang o feysydd polisi cyhoeddus gan gynnwys iechyd a lles, addysg, ffyniant economaidd ac, yn hollbwysig, yn allwedd i gyflawni cyfiawnder cymdeithasol. Awdurdodau Lleol yw’r unig sefydliadau sy’n gallu bwrw golwg cyffredinol a chynhwysfawr dros anghenion a blaenoriaethau tai yn eu hardaloedd lleol, ac felly mae ganddynt ran hollbwysig i’w chwarae.
Mae'r cyfrifoldeb am faterion tai wedi'i ddatganoli i Lywodraeth y Cynulliad ac mae WLGA yn cymryd rhan flaengar ynghylch llunio polisïau tai yng Nghymru. I'r perwyl hwnnw, rydyn ni'n ymwneud â nifer o'r cylchoedd mae Llywodraeth y Cynulliad wedi'u sefydlu megis:
- cylchoedd gorchwyl a gorffen dros lunio polisïau penodol;
- cylchoedd llywio prosiectau ymchwil penodol ym maes tai;
- cylchoedd parhaol sy'n llunio ac yn monitro polisïau ehangach.
Ymgynghorwyr WLGA
Sarah McGill (Caerdydd), Robin Staines (Sir Gar), Paul Quirk (Sir Ddinbych) a Kenyon Williams (Caerffili)
Mae rhagor o wybodaeth gan: Sue Finch