Strategaeth Lisbon
Strategaeth Lisbon yw strategaeth datblygiad economaidd yr Undeb Ewropeaidd, gyda'r bwriad i wneud yr UE "yr economi fwyaf dynamig a chystadleuol, wedi'i seilio ar wybodaeth, yn y byd, ac yn medru cyflawni tyfiant economaidd cynaladwy gyda fwy a gwell swyddi, fwy o gydlyniad cymdeithasol, a pharch i'r amgylchedd erbyn 2010". Cafodd Strategaeth Lisbon ei fabwysiadu yn 2000 ar gyfer cyfnod deg mlynedd. Yn wreiddiol, seiliwyd y Strategaeth ar sylfaen economaidd a chymdeithasol, a cyflwynwyd elfen amgylcheddol yn 2001. Cafodd y Strategaeth ei ailwampio yn 2005, gyda pwyslais newydd ar gyflawni tyfiant a swyddi yn Ewrop.
Mae'r Strategaeth yn dod i'w therfyn yn 2010, gan agor y ffordd i strategaeth olynol er mwyn cryfhau perfformiad economaidd yr UE dros y deg mlynedd nesaf.
Strategaeth Ewrop 2020
Mae'r trafodaethau ynglyn â strategaeth olynol i Strategaeth Lisbon yn parhau yn bresennol. Yn mis Tachwedd 2009, cyhoeddodd y Comisiwn Ewropeaidd ei chynnig am Strategaeth 'Ewrop 2020'. Gan ddefnyddio'r Strategaeth, mae'r Comisiwn yn gobeithio cryfhau yr UE yn dilyn yr argyfwng ariannol byd-eang, gan hefyd cyflymu'r broses tuag at economi call a gwyrdd.
Ar 21 Rhagfyr 2009, ymatebodd WLGA i ymgynghoriad y Comisiwn ar Strategaeth Ewrop 2020. Mae WLGA hefyd wedi rhoi sylwadau i sefydliadau sydd yn bartneriaid, er mwyn cynorthwyo eu hymatebion i ymgynghoriad y Comisiwn:
Ymateb Ymgynghoriad WLGA i Strategaeth 'EU 2020'
Cafodd targedau Strategaeth Ewrop 2020 eu mabwysiadu gan Arweinwyr Aelodau'r UE yn ystod cyfarfod y Cyngor Ewropeaidd ar 25-26 Mawrth 2010. Fe fydd Swyddfa Ewropeaidd WLGA yn dilyn datblyiadau yn y maes hwn yn drylwyr ac yn hysbysu cyfeillion a phartneriaid yn rheolaidd.
Mae rhagor o wybodaeth gan: Katie Cavell