Mae'r rhwydwaith yma wedi'i sefydlu i alluogi pob un o awdurdodau lleol a sefydliadau gwladol Cymru i ddod at ei gilydd a thrafod materion strategol sy'n berthnasol i'r Gymraeg, gan gynnwys hyrwyddo dwyieithrwydd ym myd llywodraeth leol Cymru. Fe fydd y rhwydwaith yn cynorthwyo'r swyddogion iaith, hefyd, gan ledaenu gwybodaeth ac arferion da a rhoi'r diweddaraf am y materion a'r mentrau perthnasol.
Trefn y cyfarfodydd
Bydd cyfarfod bob tri mis.
WLGA fydd yn trefnu ac yn cynnal cyfarfodydd y rhwydwaith. Mae'r agenda i'w pennu ar y cyd â chadeirydd y rhwydwaith, a fydd yn llywio pob cyfarfod, hefyd.
Perthynas â 3ydd Partïon
Mae cyrff cyhoeddus yn delio â chyrff 3ydd parti mewn sawl dull a modd. Nodir isod y prif fathau o ymwneud â chyrff allanol:
Contractau
Grantiau
Nawdd
Partneriaethau neu brosiectau ar y cyd
Swyddogaethau i reoleiddio cyrff allanol
Fydd Perthynas â 3ydd Partïon yn trafod bob un o’r prif fathau o berthynas â chyrff allanol, gan ystyried sut y gallwch chi ddylanwadu ar y prosesau a ddisgrifir yn y mesurau uchod, a hynny mewn modd sy’n hyrwyddo a phrif-ffrydio defnydd yr iaith Gymraeg o fewn eich sefydliad chi a thrwy eich perthynas â chyrff allanol, bônt yn bartneriaid, contractwyr, cyrff a noddir, rhai sy’n debyn grant neu rai sy’n cael eu rheoleiddio gan eich sefydliad chi.
Mae rhagor o wybodaeth gan: Heledd Bebb