Mae Rhaglen Ysgolion yr 21ain Ganrif yn fwy na rhaglen adeiladu
Mae Rhaglen Ysgolion yr 21ain Ganrif wedi'i sefydlu yn ôl un o addewidion 'Cymru'n Un' ac mae Llywodraeth y Cynulliad, Cymdeithas Llywodraeth Leol Cymru (WLGA) a'r awdurdodau lleol yn cydweithio mewn modd unigryw ynddi. Hanfod y rhaglen yw buddsoddi cyfalaf sylweddol dros y tymor hir i greu ysgolion fydd yn addas i'r 21ain ganrif.
Bydd y rhaglen yn neilltuo adnoddau i'r ysgolion priodol yn y lleoedd priodol – boed addysg y blynyddoedd cynnar, cynradd, uwchradd neu ôl-16 – o dan nawdd Llywodraeth y Cynulliad a'r awdurdodau lleol.
Beth ydy amcanion y rhaglen?
Fe fydd Llywodraeth Cynulliad Cymru, law yn llaw â maes llywodraeth leol, yn gwireddu’r nodau isod trwy gyfrwng rhaglen Ysgolion yr Unfed Ganrif ar Hugain:
- Amgylchfydoedd ar gyfer dysgu plant a phobl ifainc rhwng 3 a 19 oed a fydd yn hyrwyddo gweithredu strategaethau ar gyfer gwella safonau ysgolion a deilliannau addysgol;
- Cyfundrefn addysg gynaladwy, trwy ddefnyddio adnoddau’n fwy effeithiol I ofalu bod cyfleusterau’n cael eu defnyddio’n fwy effeithlon a chosteffeithiol ac un a fydd yn gwella safon darpariaethau gwladol yn lleol; ynghyd â
- Pennu Safon ar gyfer Ysgolion yr Unfed Ganrif ar Hugain a fydd yn cwtogi ar gostau sy’n codi dro ar ôl tro a chwtogi ar losgi tanwydd ac allyriadau carbon.
Am wybodaeth bellach ar y rhaglen, canllaw, arfer gorau ac astudiaethau achos ewch i www.ysgolion21ganrif.org neu cysylltwch a:
- Martin Lipson: Cyfarwyddwr y Rhaglen: martin.lipson@wlga.gov.uk
- Jason Pritchard: Rheolwr y Rhaglen: jason.pritchard@wlga.gov.uk
- Robert Court: Swyddog Cyfathrebu Dros Dro: robert.court@wlga.gov.uk
- Catherine Roberts: Gweinyddydd y Rhaglen: 02920 468647