Gweithiwr ymfudol
Mabwysiadodd Prif Gynulliad y Cenhedloedd Unedig y cytundeb rhyngwladol luniodd ei Gomisiwn Uchel dros Ffoaduriaid (UNHCR) am hawliau gweithwyr ymfudol a'u teuluoedd fis Rhagfyr 1990. Dyma'r diffiniad o weithiwr ymfudol:
‘Rhywun fydd, sydd neu a fu'n gyflogedig mewn gwlad nad yw'n ddinesydd ohoni.’
- Mae Cymru wedi elwa ar ddoniau a medrau gweithwyr ymfudol.
- Mae gwerth y trethi mae gweithwyr ymfudol yn eu rhoi yn fwy na gwerth y gwasanaethau maen nhw'n eu cael.
Ffoadur
Dyma ddiffiniad Cytundeb Genefa 1951:
‘Rhywun mae ofn erlid arno – am resymau da – o achos ei dras, ei grefydd, ei genedl, ei garfan gymdeithasol neu ei farn wleidyddol sydd tu allan i'w wlad enedigol a heb allu dychwelyd iddi neu, o achos ofn o'r fath, yn anfodlon gwneud hynny.’
- Cafodd Cytundeb Genefa 1951 ei lunio yn sgîl hil-laddiad yn yr Ail Ryfel Byd.
- Mae llai na 3% o ffoaduriaid y byd yn byw yn y DG.
Rhywun sy'n gofyn am loches
Dyma ddiffiniad:
‘Rhywun mae llywodraeth y wlad wrthi'n ystyried ei gais am statws ffoadur.’
- Bydd rhywun dibriod o'r fath dros 25 oed yn cael £39.34 yr wythnos, sef dwy ran o dair o lefel arferol budd-dal cynnal incwm.