Mae WLGA wedi llunio pecynnau cymorth am wasanaethau tai gwell i helpu byd llywodraeth leol i wella gwasanaethau tai. Mae'r pecynnau hyn yn cynnig templed hyblyg ar gyfer adolygu gwasanaethau, nodi risgiau a pharatoi cynllun gwella.
Mae pum pecyn cymorth ar gael yn y meysydd isod:
- swyddogaeth strategol ym maes tai
- cyngor am faterion tai a digartrefedd
- rheoli Rhaglen 'Cefnogi Pobl'
- atgyweirio a gwella tai
- cydweithio â landlordiaid preifat
 |
 |
 |
 |
Mae'r pecynnau wedi'u llunio ar y cyd gan fanteisio ar yr arbenigedd sydd ar gael ym myd llywodraeth leol ac ymhlith ein partneriaid. Fe gafodd y pedwar cyntaf eu llunio yn 2007 ar gyfer meysydd penodol. Cafodd y pumed ei lunio yn 2010 i wella'r ffordd mae awdurdodau yn cydweithio â landlordiaid preifat ac, felly, mae'n ymwneud â materion mwy strategol sy'n croesi ffiniau awdurdodau.
Rydyn ni wrthi'n adolygu'r pecynnau am y swyddogaeth strategol ym maes tai a rheoli Rhaglen 'Cefnogi Pobl' gan fod polisïau wedi newid yn y meysydd hynny.
Mae'n bwysig defnyddio'r pecynnau mewn modd adeiladol ac agored, gan ymgysylltu'n llawn â'r budd-ddalwyr i gyd.
Mae rhagor o wybodaeth gan: Sue Finch