WLGA yn croesawu Adroddiad Mathias
23 Mehefin 2011
Mae WLGA wedi croesawu adroddiad Adolygiad Mathias, adolygiad annibynnol o raglen yr adolygiadau etholiadol yng Nghymru.
Meddai'r Cyng. John Davies (Sir Benfro), Arweinydd WLGA:
“Bydd angen inni ddarllen yr adroddiad yn fanwl, ond mae'n cynnwys nifer o argymhellion ddylai helpu i wella'r broses adolygu etholiadol yn sylweddol yn y dyfodol. Mae Glyn Mathias a'i dîm wedi edrych ar y broses honno mewn modd trylwyr a chynhwysfawr gan nodi rhai cyfleoedd i ddysgu a datblygu trwy bolisïau ac arferion yn Lloegr a'r Alban.
Er gwaethaf ein pryderon ni am y broses adolygu etholiadol hyd yma, mae WLGA wedi ceisio cydweithio'n adeiladol â Chomisiwn y Ffiniau. Yn sgîl cyhoeddiad y Gweinidog y prynhawn yma, fe hoffen ni gwrdd â'r comisiynwyr cyfamserol cyn gynted ag y bo modd i drafod sut gall yr awdurdodau lleol a Chomisiwn y Ffiniau gydweithio i gynnal adolygiadau etholiadol yn effeithiol ar gyfer etholiadau 2016.”
Nodiadau i olygyddion
Mae adroddiad Adolygiad Mathias ar wefan Llywodraeth Cymru yma.
Mae'r dystiolaeth gyflwynodd WLGA i Adolygiad Mathias yma.