Mae'r economi cymdeithasol yn ymwneud ag amryw fudiadau megis mentrau cymdeithasol a chymunedol, undebau credyd, elusennau a chydweithredfeydd.
Mae byd llywodraeth leol yn helpu i ddatblygu mentrau cymdeithasol am eu bod yn gallu gwella lles economaidd, amgylcheddol a chymdeithasol cymunedau, yn arbennig:
• Gwella gwasanaethau mewn meysydd lle nad yw'r sectorau preifat a chyhoeddus yn eu cynnig.
• Cynnig swyddi i bobl sy'n ei chael yn anodd dod o hyd i waith.
• Rhoi cerbydau ar gael i'w defnyddio yn y gymuned.
• Cynnig nwyddau a gwasanaethau i awdurdodau lleol.
• Cynnal gweithgareddau adfywio.
Yn yr economi cymdeithasol bellach, mae mwy a mwy o fudiadau'n cynnig gwasanaethau mewn meysydd megis gofal cymdeithasol, ailgylchu a gofal plant.
Mae WLGA wedi helpu Llywodraeth y Cynulliad i lunio Cynllun Gweithredol y Mentrau Cymdeithasol yn ogystal â chydweithio â Chymdeithas yr Ymddiriedolaethau Datblygu i annog awdurdodau lleol i brynu rhagor trwy fentrau cymdeithasol. Dyma rai o brif bwyntiau'r cynllun gweithredu gyhoeddodd Llywodraeth y Cynulliad fis Chwefror 2009:
• corff newydd i hybu mentrau cymdeithasol – Cynghrair Mentrau Cymdeithasol Cymru;
• cylch newydd i gynghori gweinidogion am fentrau cymdeithasol;
• cronfa newydd ar gyfer trosglwyddo asedion cymunedol.
Linciau a dogfennau perthnasol
• Cynllun Gweithredu Mentrau Cymdeithasol Cymru 2009
• Canolfan Gydweithredol Cymru
• Cyngor Gweithredu Gwirfoddol Cymru
• Cymdeithas Ymddiriedolaethau Datblygu Cymru
Mae rhagor o wybodaeth gan: Lowri Gwilym