Croeso i dudalen Fframwaith Gwella Cydraddoldeb Cymru. Bydd yma nid yn unig y fframwaith, sy'n cymryd lle Safon Cydraddoldeb Llywodraeth Leol Cymru, ond sawl peth defnyddiol arall hefyd, megis gwybodaeth a chanllawiau, dolenni â gwefannau perthnasol, newyddion a manylion achlysuron sydd ar y gweill.
Beth yw Fframwaith Gwella Cydraddoldeb Cymru?
Diben y fframwaith yw gofalu bod modd rheoli cydraddoldeb yn effeithiol fel y bydd deilliannau cadarnhaol sy'n hybu cyfleoedd cyfartal yng ngwasanaethau'r awdurdodau lleol. Bydd yn cyd-fynd â mentrau eraill megis Rhaglen Gwella Cymru a bydd yn bosibl ei ddefnyddio i ddibenion hunanasesu fel sydd wedi'i awgrymu yng nghanllawiau Llywodraeth y Cynulliad am Raglen Gwella Cymru ar gyfer yr awdurdodau lleol (Cylchlythyr 28/2205). Trwy gydblethu â'r trefnau rheoli cyfredol, mae'n helpu i'w gwella a'u datblygu er mwyn rheoli cydraddoldeb yn effeithiol a gwella drwy'r amser. Y nod yw hybu gwir ddeilliannau ym maes cydraddoldeb trwy drefn rheoli perfformiad sy'n helpu i ddatblygu cyfleoedd cyfartal yn un o werthoedd byd llywodraeth leol a'r gymuned ehangach.
Fframwaith Gwella Cydraddoldeb Cymru
I ymholi am y fframwaith, cysylltwch â Paula Walters – 029 2046 8663 neu paula.walters@wlga.gov.uk I gael y fframwaith ar ffurf amgen neu mewn iaith arall, cysylltwch â Charfan Cydraddoldeb a Chyfiawnder Cymdeithasol WLGA – 029 2046 8662.