Mae WLGA yn cynorthwyo'r awdurdodau lleol yn rhan o'r drefn ganolog ar gyfer addysg ym mhob bro. Mae awdurdodau lleol Cymru yn rhoi addysg ragorol sy'n diwallu anghenion plant o bob oedran. Mae hanes da i Gymru ym maes addysg ac mae'i disgyblion yn tueddu i gyrraedd safonau uchel a rhagori bob blwyddyn ar y rhai blaenorol. Yn ôl y ffigurau cyntaf ynghylch canlyniadau arholiadau 2006, cododd canran y rhai a lwyddodd yn y Safon Uwch, ac enillodd 96.6% A-E. Llwyddodd 98.1% yn y TGAU ac fe gododd nifer y rhai a enillodd A*-C o 1% at 62.3%. At hynny, enillodd Bagloriaeth Cymru ei phlwyf yn 2006. Cafodd 76% o'r rhai oedd ynghlwm wrthi y Diploma Uwch, sydd cyfwerth â Safon Uwch 'A'.
Y Cynulliad sy'n gyfrifol am addysg yng Nghymru, ar wahân i gyflogau ac amodau'r athrawon. Mae WLGA yn cydweithio'n agos ag Adran Plant, Dysgu Gydol Oes a Sgiliau Llywodraeth y Cynulliad i lunio polisïau a strategaethau a fydd yn helpu'r awdurdodau lleol i wella addysg yn barhaol.
Mae WLGA yn cydweithio'n agos â'r awdurdodau lleol a'r rhwydweithiau arbenigol megis Cymdeithas Cyfarwyddwyr Addysg Cymru (ADEW) a Grŵp y Prif Swyddogion Ieuenctid (PYOG). Mae gan ADEW nifer o is-gylchoedd sy'n ymwneud ag amryw faterion addysg a gwasanaethau i blant. Mae rhestr o'r cylchoedd hynny ar wefan ADEW. Mae modd cyrchu gwefan ADEW trwy glicio ar y ddolen ar y dde.
Mae rhagor o wybodaeth gan: Daisy Seabourne