Mae diogelwch yn bwnc llosg ym mhob cymuned. Mae'n bwysig i bobl drwy'r amser achos ei fod yn gallu effeithio ar ansawdd bywydau'r trigolion a'u cymunedau nhw. Dros y blynyddoedd diweddar, mae pawb wedi sylweddoli nad oes modd i'r heddlu ddiogelu cymunedau ar eu pennau eu hunain ac y gallai trefn lle mae nifer o asiantaethau'n gweithio ar y cyd fod yn fwy effeithiol o lawer.
Yn ôl Deddf 'Troseddu ac Anhrefn' 1998, mae dyletswydd statudol i ardal pob awdurdod lleol sefydlu partneriaeth dros ddiogelwch yn y gymuned ac iddi gynrychiolwyr o'r awdurdod lleol, yr heddlu, awdurdod yr heddlu, awdurdod y gwasanaeth tân ac achub a'r bwrdd iechyd lleol. Yr arfer gynt oedd y byddai pob partneriaeth yn llunio strategaethau ynghylch diogelwch yn y gymuned a chamddefnyddio cyffuriau bob 3 blynedd. Yn ôl Deddf ‘Yr Heddlu a Chyfiawnder’ 2006, fodd bynnag, mae rhaid paratoi cynllun partneriaeth 3 blynedd o hyn ymlaen yn lle’r strategaethau. Mae’r cynlluniau i’w paratoi, a’u hadolygu bob blwyddyn, yn ôl asesiad strategol blynyddol.
Sylwadau a Gweithgareddau WLGA
Prif ddibenion WLGA yw hyrwyddo byd llywodraeth leol a'i enw da a helpu'r awdurdodau lleol i bennu polisïau a blaenoriaethau a fydd yn gwella gwasanaethau cyhoeddus a democratiaeth leol. Mae WLGA yn cynrychioli buddiannau byd llywodraeth leol ynghylch diogelwch yn y gymuned, yn ogystal â buddiannau ei haelodau cyswllt.
Mae diogelwch yn y gymuned yn ymwneud ag ystod eang o bolisïau megis yr heddlu, troseddu ac anhrefn, ymddygiad gwrthgymdeithasol, camddefnyddio cyffuriau, trais yn y cartref a thân. Mae diogelwch yn y gymuned ymhlith cyfrifoldebau Cyfarwyddiaeth Cydraddoldeb a Chyfiawnder Cymdeithasol WLGA.
Ar hyn o bryd, WLGA sy'n hwyluso Fforwm Diogelwch Cymunedol Cymru ac yn cyflawni gwaith ysgrifenyddol iddo.
Llefarwr WLGA
Y Cyng. Lindsay Whittle yw Llefarwr WLGA dros Ddiogelwch yn y Gymuned.
Ymgynghorwyr WLGA
Mae gan WLGA dri ymgynghorydd dros ddiogelwch yn y gymuned: Stephen Davison (Cyngor Dinas Casnewydd), Malcolm Russell (Cynogr Bwrdeistref Sirol Wrecsam), Steve Williams (Cyngor Sir Fynwy) a Stephen Carr (Cyngor Sir Caerdydd)
Mae rhagor o wybodaeth gan: Rachel Morgan