Mae Llywodraeth y Cynulliad o'r farn bod trefn gynllunio dryloyw, effeithiol a chreadigol yn hanfodol i gyflawni ei hamcanion yn y 'Cynllun i Gymru'.
Mae'n pennu delfryd ar gyfer gwell trefn gynllunio yn 'Cynllunio: Cyflawni dros Gymru', gan gynnwys ymrwymo i wella hyfforddiant ar gyfer cynghorwyr sy'n aelodau o bwyllgorau cynllunio.
Yn ymateb i'r gofyn hwnnw, mae WLGA wedi datblygu rhaglen hyfforddi ym maes cynllunio ar gyfer cynghorwyr Cymru.
Yn ystod 2004, cafodd cynghorwyr Cymru gyfle i fynd i seminarau am faterion cynllunio yn eu hawdurdodau eu hunain, lle cawson nhw wybodaeth sylfaenol am bolisïau cynllunio, y drefn gynllunio a chôd ymarfer y cynghorwyr. Yn 2005, cafodd seminarau manylach eu cynnal ar gyfer aelodau'r pwyllgorau cynllunio.
Mae modd codi copïau o lawlyfrau'r rhaglen hyfforddi yma, yn ogystal â'r adroddiad am gam cyntaf y rhaglen.
Yn 2005, cynhalion ni dri seminar rhanbarthol am gyflwyno cynlluniau datblygu lleol er mwyn helpu'r cynghorwyr i ddeall y gwahaniaethau rhwng cynlluniau o'r fath a'r cynlluniau datblygu unedol, yn ogystal â meithrin dirnadaeth o'r broses gynllunio leol ar gyfer datblygu a'u rolau nhw ynddi. Mae modd codi yma gopïau o adroddiad ac ynddo gynnwys y seminarau a sylwadau'r rhai fu yno.
Yn 2005/06, cynhalion ni ddau seminar am faterion dylunio yn y gogledd a'r gorllewin ar gyfer cynghorwyr, gan gynnwys dylunio trefol a pholisïau cynllunio yng Nghymru, a sut gall cynghorwyr fod yn rhagweithredol ynglŷn â diogelu ansawdd dylunio. Mae cyflwyniadau’r siaradwyr ar gael trwy gais.
Gallai WLGA lunio a chomisiynu'r rhaglen hyfforddi yma o ganlyniad i'r cymorth ariannol a roes Llywodraeth y Cynulliad iddi. Mae bwriad i gyflawni rhagor o waith gydag awdurdodau unigol yn y maes yma.
Mae'r llawlyfrau a’r adroddiadau uchod i'w cael o dan 'cyhoeddiadau perthynol'.
Mae rhagor o wybodaeth gan: Sarah Titcombe