Mae Cymdeithas Llywodraeth Leol Cymru wedi bod yn datblygu ac yn hybu'r syniad yma ers rhai blynyddoedd, gan ennill cefnogaeth eang drosto ymhlith sefydliadau gwladol a lleol. Mae'r cynllun yn unigryw i fyd llywodraeth leol Cymru ac yn cael ei gynnal ar y cyd â Llywodraeth y Cynulliad, awdurdodau lleol Cymru a chyrff sy'n hyrwyddo'r arferion gorau ledled y DG.
Mae tri phrif nod i'r cynllun:-
- hyrwyddo'r syniad o ddysgu oddi wrth ein cymheiriaid a gwella cyflawniad pawb o ganlyniad;
- cynnig cyfle i awdurdodau lleol Cymru gydnabod a dathlu arferion da;
- hyrwyddo delwedd gadarnhaol o fyd llywodraeth leol yn y wasg leol a chenedlaethol.
Egwyddorion
Mae'r cynllun wedi'i sefydlu yn ôl y prif egwyddorion canlynol:
- Mae'r pwyslais ar fod yn agored, dysgu a chyfnewid gwybodaeth er mwyn gwella gwasanaethau. Mae'r dull o ddatblygu a chyflawni'r cynllun yn unigryw, sef cydweithio â'r awdurdodau lleol a'r cyrff allanol i gynnal cynllun o bwys lle bydd pawb ar ei ennill yn y pen draw.
- Mae'r cynllun yn ychwanegu at rai eraill megis Cynllun y Cynghorau Llewyrchus. Does dim bwriad i ddyblygu unrhyw gynllun arall megis y rhai mae Cymdeithas Rhagoriaeth Gwasanaethau Cyhoeddus a'r Municipal Journal yn eu cynnal. Byddwn ni'n cydweithio â nhw a'r cyrff rheoleiddio er mwyn ennill hygrededd i'r cynllun a byd llywodraeth leol Cymru ledled y wlad.
- Fydd dim modd nodi pob gwasanaeth mewn rhaglen 3 blynedd. Y nod yw mynd i'r afael â'r pynciau llosg cyfredol.
Mae tri swyddog wedi'u penodi bellach i reoli a gweinyddu'r cynllun a chadw llygad ar gostau rhoi gwobrau a lledaenu dysg.
- Ymgynghorydd Arferion Clover Rodrigues
- Ymgynghorydd Dysgu Helen Stephens
I gyflwyno sylwadau, cael rhagor o wybodaeth neu ofyn am gyflwyniad i dîm rheoli'ch awdurdod neu'ch cyngor, anfonwch neges ebost at excellence.wales@wlga.gov.uk
Mae rhagor o wybodaeth gan: Jenna Redfern