Mae WLGA am hyrwyddo cymdeithas deg a chynhwysol i bawb ac mae wrthi'n llunio polisïau ac arferion ynghylch gweithwyr ymfudol, ffoaduriaid a'r rhai sy'n gofyn am loches.
Mae WLGA wedi penodi swyddog polisïau i gydlynu a lledaenu canlyniadau ymchwil a gwybodaeth a helpu byd llywodraeth leol a sectorau eraill i feithrin arbenigedd a gallu ynghylch gweithwyr ymfudol, ffoaduriaid a'r rhai sy'n gofyn am loches.
Porth Gwybodaeth y Cymunedau Newydd
Diben Porth Gwybodaeth y Cymunedau Newydd yw lledaenu gwybodaeth a phrofiad. Byddwn ni'n mireinio'r tudalennau yma dros y misoedd i ddod er mwyn helpu'r rhai sy'n llunio polisïau a'r rhai sy'n eu rhoi ar waith i:
- rhannu gwybodaeth i ddeall y boblogaeth ymfudol yn well;
- tynnu sylw at faterion cymunedau newydd;
- astudio'r gwaith sy'n mynd rhagddo yng Nghymru a'r DG;
- hyrwyddo achlysuron a gweithgareddau yng Nghymru a'r DG;
- cyfrannu i ymateb cydlynol sy'n diwallu anghenion cymunedau Cymru i gyd.