Mae byd llywodraeth leol yn cyflawni ac yn comisiynu sawl gorchwyl mewn meysydd megis addysg, iechyd yr amgylchedd, gwasanaethau cymdeithasol ac ati er lles y gymuned. Gan eu bod yn cynnig cynifer o wasanaethau, rhaid i’r cynghorau gyflogi pobl mewn sawl maes arbenigol a galwedigaethol. Mae tua 160,000 o bobl yn gweithio yn 22 gyngor byd llywodraeth leol Cymru – 1 rhan o 8 o weithlu’r wlad.
Mae byd llywodraeth leol yn wynebu mwy a mwy o anawsterau gan fod llai o arian ar gael iddo a bod eisiau newid a gwella ei ffyrdd o weithio i ateb y galw cynyddol am lawer o wasanaethau rheng flaen. Er bod modd iddo wella gwasanaethau a chael gwerth ei arian trwy gydweithio, mae angen llawer o weithwyr i roi gwasanaethau da.
Mae gweithlu llywodraeth leol yn hollbwysig i lwyddiant yr ymdrech i wella. Felly, mae rhaid i awdurdodau lleol feithrin a chynnal medrau, datblygu rheolwyr ac arweinwyr rhagorol sy’n gallu gwneud y gorau o’r gweithlu a hybu cymhelliant ac ymdeimlad o werth ymhlith y staff er bod newidiadau drwy’r amser ac na fydd cynnydd yn eu cyflogau.
Mae Carfan Cyflogaeth WLGA yn helpu cynghorau Cymru i drin a thrafod materion y gweithlu trwy:
- Helpu i feithrin a lledaenu’r arferion a’r dysg gorau.
- Cynghori a chyfeirio am y gyfraith ym maes cyflogaeth ac amodau a thelerau gwaith.
- Gweithio gyda’r awdurdodau ynglŷn â medrau, cymwyseddau, datblygu’r gweithlu a chynllunio ar ei gyfer.
- Helpu’r awdurdodau i gydweithio o ran materion y gweithlu.
- Helpu i gynnal perthynas dda rhwng y cyflogwyr a’r gweithwyr a gweithio ar y cyd â’r undebau llafur.
- Cydweithio ag amryw bartneriaid i drin a thrafod materion y gweithlu yn sector cyhoeddus Cymru.
- Gweithredu’n sefydliad cyflogwyr byd llywodraeth leol Cymru.
Cliciwch yma i weld rhai o’r swyddi mae byd llywodraeth leol Cymru yn eu hysbysebu. Mae rhagor ar wefan pob awdurdod lleol.
Mae rhagor o wybodaeth gan: Anna Freeman