Yn 2007, penderfynodd Llywodraeth y Cynulliad roi £3 miliwn i WLGA dros dair blynedd er mwyn helpu'r awdurdodau lleol i ddatblygu prosiectau arloesol ynglŷn â chludiant rhwng yr ysgol a'r cartref.
Dyma nodau'r grant:
- Llunio argymhellion fydd yn gwella cludiant rhwng yr ysgol a'r cartref.
- Nodi arferion da'r awdurdodau lleol yng Nghymru a thu hwnt a hybu'r arferion hynny ledled y wlad i wella safonau.
- Helpu awdurdodau lleol i gydweithio ar draws ffiniau, yn arbennig mewn perthynas â'r consortia cludiant, fel y gallan nhw weithio'n effeithlon ac yn drefnus.
- Rhoi cyngor a gwybodaeth i Lywodraeth y Cynulliad am bolisïau, gweithgareddau a datblygiadau yng Nghymru a thu hwnt.
Bwrdd Prosiectau Cludiant yr Ysgolion sydd wedi goruchwylio'r trefniadau ariannu a hynt yr amryw brosiectau. Mae cynrychiolwyr byd llywodraeth leol, Llywodraeth y Cynulliad ac WLGA ymhlith aelodau'r bwrdd. Bydd y rhaglen yn dod i ben fis Ebrill 2011.
Mae 12 prosiect arbrofol wedi'u sefydlu ledled y wlad gan ddefnyddio arian y rhaglen. Mae gwybodaeth am y prosiectau hynny ar …….