Mae'r canllawiau isod wedi'u llunio i helpu'r awdurdodau lleol i'w hasesu eu hunain a defnyddio Fframwaith Gwella Cydraddoldeb i gymathu materion cydraddoldeb ym mhrif ffrwd eu gwaith.
At hynny, mae modd defnyddio'r fframwaith ar gyfer:
- cysylltu cydraddoldeb â pholisïau eraill megis cydlyniad cymdeithasol;
- helpu swyddogion sy'n gyfrifol am gydlynu materion cydraddoldeb a gwella mewn awdurdodau lleol a hybu cydweithio yn yr awdurdodau lleol lle nad yw'r rolau hynny wedi'u cyfuno;
- helpu cynghorwyr a rheolwyr gwasanaethau sydd am ymgorffori cydraddoldeb wrth lunio a chynnal gweithgareddau trefnu a gwella gwasanaethau yn ôl anghenion y dinasyddion.
Er cymorth i'r awdurdodau lleol, mae pecyn sy'n gallu eu cyfeirio wrth ddechrau'r broses hunanasesu. Ddylech chi ddim ei ddefnyddio'n rhestr wirio safonol ond, yn hytrach, i'ch tywys chi yn y broses trwy roi enghreifftiau o'r modd y gallai'r awdurdod symud yn ei flaen ynghylch defnyddio'r fframwaith a nodi a hwyluso deilliannau cydraddoldeb.
Mae rhagor o wybodaeth gan: Naomi Alleyne