Mae Breinlen Cynorthwyo a Datblygu Cynghorwyr Cymru wedi'i llunio i roi trefn ac ysgogiad i'r nifer cynyddol o wasanaethau cymorth i gynghorwyr byd llywodraeth leol Cymru.
Mae'r gwasanaethau hynny ar ffurf:
- datblygu rhinweddau, medrau a gwybodaeth;
- cyfleusterau cymorth;
- gwasanaethau cymorth.
Mae'r Freinlen yn rhoi fframwaith eang lleol ar gyfer cynllunio, hunanasesu, gweithredu ac adolygu, ac fe fydd yn annog awdurdodau i rwydweithio, cymharu gwaith ei gilydd a lledaenu arferion da ac arloesol.
Cafodd y Freinlen ei chyflwyno'n ffurfiol yn ystod cynhadledd y Gymdeithas fis Hydref 2005. Ers hynny, mae pob awdurdod yn gallu ymrwymo i'w hegwyddorion trwy lofnodi datganiad o'i fwriad i ymgeisio amdani a chynnal hunanasesiad.
O fabwysiadu a defnyddio'r Freinlen yn eang, bydd modd rhoi rhagor o gymorth gwell i gynghorwyr Cymru. O gael darlun eglurach o'r arferion sydd ar led yng Nghymru, bydd yr asiantaethau gwladol mewn sefyllfa well i roi cymorth ac arian ar gael i wasanaethau gwladol a lleol ar gyfer cynghorwyr.
Cafodd y Freinlen ei llunio gan bwyllgor gorchwyl a gorffen mae'i aelodau wedi'u penodi o blith cynghorwyr pob cylch gwleidyddol a swyddogion cynorthwyo cynghorwyr pob awdurdod. Lluniodd y pwyllgor Strategaeth Datblygu Cynghorwyr Cymru hefyd.
Mae rhagor o wybodaeth gan: Sarah Titcombe