Enghreifftiau o brosiectau i’r rhai sydd newydd gyrraedd Cymru
Diben astudio achosion o weithwyr ymfudol yn ardaloedd yr awdurdodau lleol yw:
- Lledaenu gwybodaeth ac arbenigedd ymhlith swyddogion a staff yr awdurdodau lleol am faterion allweddol datblygu prosiectau i weithwyr ymfudol.
- Tynnu sylw at elfennau cadarnhaol a negyddol fel ei gilydd sydd wedi deillio o brosiectau o'r fath.
- Annog pobl i drafod syniadau a gwybodaeth fel y bydd modd datblygu prosiectau'n well yn y maes yma.
- Codi ymwybyddiaeth o'r gwaith mae'r rhai sy'n llunio polisïau wrthi'n ei wneud i gyfeirio blaenoriaethau ynghylch cynllunio strategol, asesu anghenion ac ariannu.
Dosbarthu
Byddwn ni'n atodi'r astudiaethau i fwletin WLGA am faterion ymfudo, sydd i'w anfon i'r cyrff canlynol:
- 22 awdurdod lleol Cymru
- LGA a COSLA
- Byrddau iechyd lleol
- Heddluoedd
- Mudiadau gwirfoddol cenedlaethol a lleol
- Asiantaeth Ffiniau'r DG
- Llywodraeth y Cynulliad
- Cynghorau cydraddoldeb hiliol
- Comisiwn Cydraddoldeb a Hawliau Dynol
- Undebau llafur